|
Home About Us Contact Us Bidding Job Vacancies Downloads Links Site Map Disclaimer Privacy Policy |
 |
NPDC -
“First Yakapalooza at
the Park”
(February
1, 2013)
…Publiko, inanyayahan sa ‘free concert’ at “First Yakapalooza at the Park” sa
Luneta.
HINIKAYAT kahapon ng pamunuan ng National Parks
Development Committee (NPDC) ang publiko na makisaya at ipagdiwang kasama ng
kani-kanilang mga mahal sa buhay, pamilya, kaibigan, o ka-trabaho ang ‘araw ng
mga puso’ sa pambansang parke ng Pilipinas o Rizal Park sa pamamagitan ng isang
free concert at “First Yakapalooza at the Park”.
Ayon kay NPDC spokesperson Kenneth Montegrande, ang
naturang event na nakatakdang i-organisa ng Blitz Communications Philippines
(BlitzCom) at NPDC, kaagapay ang Unisilver TIME, Mario D’ Boro, Coca-Cola FEMSA
Philippines, PLDT, Stage Crafts at Department of Public Works and Highways ay
magsisimula sa ganap na alas-6 ng gabi sa mismong Valentine’s Day sa Musical
Dancing Fountain sa pamamagitan ng inihandang libreng ‘concert at the park’ na
dadaluhan ng mga Kapuso teen stars at iba pang mga sikat na banda at singer
tulad nina; Bea Binene; Barbie Forteza; Julie Anne San Jose; Joshua Dionisio;
Derick Monasterio; Enzo Pineda; DJ Joker mula sa Jeepney Music ni Allan Pineda;
rap singer na si DCOY; Ikee; Jash Bagabaldo; at grupo ng Jazz performers na Jive
Disciples; habang sina Radio DJ Rico Panyero at Lala Banderas ng 101.1 Yes FM
naman ang magsisilbing host ng naturang event.
Inaasahan namang sabay-sabay na magbibigay ng “yakap” ang
bawat miyembro ng pamilya, magkakaibigan, barkada, magkatrabaho, at ang mga
magsing-irog upang ipadama ang kanilang pagmamahal sa ganap na alas-9 ng gabi na
tatawaging “love hour” kung saan sasamahan ng countdown na pangugnunahan ni NPDC
Executive Director Juliet Villegas at empleyado ng nabanggit na tanggapan
Ayon kay Montegrande, layon umano ng BlitzCom at NPDC na
tuloy-tuloy na mabigyan ng maayos at makabuluhang event ang publiko na kung saan
ay magkakaroon ng quality bonding ang bawat miyembro ng pamilya, magkaibigan o
magkasintahan.
“Ang Valentine’s Day ay isa sa mga mahahalagang okasyon
na maaari nating ipadama ang ating pagmamahal
sa kapwa. Kaya nga sa pamamagitan ng First Yakapalooza at the Park ay mabibigyan
ng pagkakataon ang ating mga kababayan na ipakita ang pagmamahal sa bawat isa.
Bukod rito prayoridad ng pamunuan ng Rizal Park na maging instrument ang parkeng
ito upang magkaroon ng quality bonding ang bawat pamilyang Pilipino, na siyang
makapagpapatibay ng kanilang relasyon,” Ayon kay Montegrande.
Bukod rito, idinagdag pa ng nasabing opisyal na ayon sa
news report nitong nakalipas na January 23, 2013 na inilabas ng Daily Mail,
isang online news service sa Britain at
United Kingdom na batay umano sa pag-aaral
na sisinagawa sa University of Vienna ang “yakap” na hindi bababa sa loob ng 20
segundo ay nakapagpapataas ng memory at nakapagpapa-baba naman ng stress level,
at blood pressure ng isang indibidwal. Subalit maaari namang kabaligtaran ang
maging hatid nito sa isang tao kung hindi bukal sa kanyang kalooban ang
pag-yakap.
“…scientist found that a hormone – oxytocin – is released
into the blood stream when you hold a friend close. This lowers blood pressure,
reduce stress and anxiety and can even improve your memory.”
|
